Amyenda sa National Cultural Heritage Act of 2009, isinusulong ni Cong. Howard Guintu

June 2, 2023 – Kasunod ng malagim na sunog na tumupok sa makasaysayang Manila Central Post Office Building, naghain si Cong. Howard Guintu ng bagong panukalang batas na layong amyendahan at palakasin ang Republic Act 10066 o ang National Cultural Heritage Act of 2009.

Sa ilalim nito, titiyakin ang katatagan at pagiging ligtas ng mga gusali sa mga kalamidadad at hindi inaasahang mga insidente gaya ng sunog. Isasailalim din ang mga ito sa retrofitting nang hindi babaguhin ang orihinal nitong itsura o disenyo para sa conservation ng national historical landmarks.

Pangungunahan ng National Historical Commission of the Philippines ang pagbubuo ng panuntunan para sa pagpapatupad ng panukalang batas.