House Bill 8651 para sa internet refund, inihain

August 1, 2023 – Malaking bahagi sa araw-araw na buhay ang paggamit ng internet connection. Ginagamit ito para sa komunikasyon, sa pag-aaral, sa trabaho, at bilang libangan. Kaya naman malaking abala tuwing nawawalan ng koneksyon.

Upang masiguro na ang binabayaran ng consumer ay katumbas ng serbisyong natatanggap nila, inihain ng opisina ni Cong. Howard Guintu ang House Bill No. 8651 na naglalayong magbigay ng automatic adjustment o refund sa internet bill ng isang customer tuwing nawalan ito ng koneksyon ng 24 hours o higit pa sa loob ng isang buwan. Sakop nito ang parehong postpaid at prepaid customers.

Layon nitong panukalang batas na masiguro ang dekalidad at maaasahang serbisyo ng Internet Service Providers.